ਪੰਜਾਬ ਦੇ ਲੁਧਿਆਣਾ ‘ਚ ਇਕ ਔਰਤ ਫਿਲਮੀ ਸਟਾਈਲ ‘ਚ ਕਰਨਾਲ ਦੇ ਰਿਟਾਇਰਡ PWD ਅਫਸਰ ਦੀ ਕਾਰ ਲੈ ਕੇ ਭੱਜ ਗਈ। ਭੁਪਿੰਦਰ ਸਿੰਘ ਸਾਲਾਂ ਬਾਅਦ ਮੋਗਾ ਰਹਿ ਰਹੀ ਆਪਣੀ ਭਤੀਜੀ ਨੂੰ ਮਿਲਣ ਜਾ ਰਿਹਾ ਸੀ। ਇਕ ਔਰਤ ਨੇ ਜਗਰਾਉਂ ਕਸਬੇ ਨੇੜੇ ਚੌਕੀਮਾਨ ਕੋਲ ਉਸ ਤੋਂ ਲਿਫਟ ਲੈ ਲਈ। ਜਦੋਂ ਉਹ ਰਸਤੇ ਵਿੱਚ ਪਿਸ਼ਾਬ ਕਰਨ ਲਈ ਹੇਠਾਂ ਉਤਰਿਆ ਤਾਂ ਔਰਤ ਉਸਦੀ ਕਾਰ ਲੈ ਕੇ ਭੱਜ ਗਈ। ਕੁਝ ਲੋਕਾਂ ਨੇ ਉਸ ਦਾ ਪਿੱਛਾ ਕੀਤਾ, ਪਰ ਪਹੁੰਚ ਨਾ ਸਕੇ। ਪਿੰਡ ਕੜੇਵਾਲਾ ਟੋਲ ਪਲਾਜ਼ਾ ‘ਤੇ ਲੱਗੇ CCTV ‘ਚ ਔਰਤ ਦਾ ਚਿਹਰਾ ਕੈਦ ਹੋ ਗਿਆ ਹੈ। ਪੁਲਿਸ ਮਾਮਲਾ ਦਰਜ ਕਰਕੇ ਮਹਿਲਾ ਦੀ ਭਾਲ ‘ਚ ਜੁਟ ਗਈ ਹੈ।
ਘਟਨਾ ਸਬੰਧੀ ਜਾਣਕਾਰੀ ਦਿੰਦਿਆਂ ਮ੍ਰਿਤਕ ਭੁਪਿੰਦਰ ਸਿੰਘ ਦੇ ਜਵਾਈ ਕੰਵਰਦੀਪ ਨੇ ਦੱਸਿਆ ਕਿ ਉਸ ਦਾ ਚਾਚਾ ਅਤੇ ਸਹੁਰਾ ਜੋ ਕਿ ਕਰਨਾਲ ਹਰਿਆਣਾ ਦਾ ਰਹਿਣ ਵਾਲਾ ਸੀ, ਕਈ ਸਾਲਾਂ ਬਾਅਦ ਉਸ ਨੂੰ ਮਿਲਣ ਮੋਗਾ ਆ ਰਿਹਾ ਸੀ। ਭੁਪਿੰਦਰ ਸਿੰਘ ਕੋਲ ਆਲਟੋ K-10 ਕਾਰ ਹੈ। ਜਦੋਂ ਉਹ ਚੌਂਕੀ ਮਾਨ ਨੇੜੇ ਪਹੁੰਚਿਆ ਤਾਂ ਮੁੱਖ ਸੜਕ ’ਤੇ ਇੱਕ ਔਰਤ ਅਤੇ ਇੱਕ ਵਿਅਕਤੀ ਖੜ੍ਹੇ ਸਨ। ਭੁਪਿੰਦਰ ਸਿੰਘ ਨੂੰ ਲੱਗਾ ਕਿ ਸ਼ਾਇਦ ਉਨ੍ਹਾਂ ਨੂੰ ਮਦਦ ਦੀ ਲੋੜ ਹੈ। ਜਦੋਂ ਉਸ ਨੇ ਕਾਰ ਰੋਕੀ ਤਾਂ ਉਕਤ ਔਰਤ ਸਮੇਤ ਉਕਤ ਵਿਅਕਤੀ ਨੇ ਉਸ ਨੂੰ ਕਿਹਾ ਕਿ ਔਰਤ ਨੂੰ ਮੋਗਾ ਤੱਕ ਛੱਡ ਦਿਓ।
ਭੁਪਿੰਦਰ ਸਿੰਘ ਨੇ ਔਰਤ ਨੂੰ ਲਿਫਟ ਦਿੱਤੀ। ਇਸ ਤੋਂ ਬਾਅਦ ਮੋਗਾ ਨੂੰ ਗਲਤ ਰਸਤਾ ਦੱਸ ਕੇ ਔਰਤ ਭੁਪਿੰਦਰ ਸਿੰਘ ਨੂੰ ਮੱਖੂ ਅੰਮ੍ਰਿਤਸਰ ਰੋਡ ਵੱਲ ਲੈ ਗਈ। ਕੰਵਰਦੀਪ ਨੇ ਦੱਸਿਆ ਕਿ ਉਸ ਦੇ ਚਾਚਾ ਸਹੁਰਾ ਭੁਪਿੰਦਰ ਸਿੰਘ ਨੂੰ ਰਸਤੇ ਵਿਚ ਪਿਸ਼ਾਬ ਕਰਨ ਦਾ ਦਬਾਅ ਪਿਆ ਤਾਂ ਉਹ ਰਸਤੇ ਵਿਚ ਹੀ ਰੁਕ ਗਿਆ ਅਤੇ ਪਿਸ਼ਾਬ ਕਰਨ ਚਲਾ ਗਿਆ। ਔਰਤ ਨੇ ਭੁਪਿੰਦਰ ਸਿੰਘ ‘ਤੋਂ ਕਾਰ ਦੀਆਂ ਚਾਬੀਆਂ ਮੰਗੀਆਂ ਕਿਉਂਕਿ ਕਾਰ ਵਿਚ ਗਰਮੀ ਸੀ ਅਤੇ AC ਵੀ ਬੰਦ ਸੀ। ਭੁਪਿੰਦਰ ਨੇ ਔਰਤ ਦੀਆਂ ਗੱਲਾਂ ਵਿੱਚ ਆ ਕੇ ਉਸ ਨੂੰ ਚਾਬੀ ਦੇ ਦਿੱਤੀ।
ਇਸ ਮਗਰੋਂ ਜਿਵੇਂ ਹੀ ਭੁਪਿੰਦਰ ਪਿਸ਼ਾਬ ਕਰਨ ਲਈ ਗਿਆ, ਔਰਤ ਨੇ ਤੁਰੰਤ ਕਾਰ ਸਟਾਰਟ ਕੀਤੀ ਅਤੇ ਭਜਾ ਕੇ ਲੈ ਗਈ। ਇਹ ਦੇਖ ਕੇ ਭੁਪਿੰਦਰ ਸਿੰਘ ਨੇ ਕਾਫੀ ਰੌਲਾ ਪਾਇਆ। ਉਨ੍ਹਾਂ ਦੀਆਂ ਚੀਕਾਂ ਸੁਣ ਕੇ ਕਈ ਲੋਕ ਮੌਕੇ ‘ਤੇ ਹੀ ਰੁਕ ਗਏ। ਕੁਝ ਲੋਕਾਂ ਨੇ ਔਰਤ ਦਾ ਪਿੱਛਾ ਕਰਨ ਦੀ ਵੀ ਕੋਸ਼ਿਸ਼ ਕੀਤੀ ਪਰ ਉਹ ਕਾਰ ਲੈ ਕੇ ਭੱਜ ਗਈ। ਇਸ ਮਗਰੋਂ ਭੁਪਿੰਦਰ ਸਿੰਘ ਨੇ ਥਾਣਾ ਕੋਟਈਸੇ ਖਾਂ ਵਿੱਚ ਸ਼ਿਕਾਇਤ ਦਰਜ ਕਰਵਾਈ।
ਪੁਲਿਸ ਨੇ ਮਾਮਲੇ ਸਬੰਧੀ ਜਦੋਂ ਜਾਂਚ ਸ਼ੁਰੂ ਕੀਤੀ ‘ਤਾਂ ਉਹ ਪਿੰਡ ਕੜੇਵਾਲਾ ਟੋਲ ਪਲਾਜ਼ਾ ’ਤੇ ਲੱਗੇ CCTV ਕੈਮਰੇ ਵਿੱਚ ਨਜ਼ਰ ਆਈ। ਫੁਟੇਜ਼ ‘ਚ ਔਰਤ ਟੋਲ ਪਲਾਜ਼ਾ ‘ਤੇ ਮੁਲਾਜ਼ਮਾਂ ਨਾਲ ਬਹਿਸ ਕਰਦੀ ਹੋਈ ਨਜ਼ਰ ਆਈ। ਕੈਮਰਿਆਂ ‘ਚ ਔਰਤ ਟੋਲ ਟੈਕਸ ਦੀ ਪਰਚੀ ਦਿੰਦੀ ਨਜ਼ਰ ਆ ਰਹੀ ਹੈ। ਪੁਲਿਸ ਨੇ ਉਸ ਦੀ ਫੁਟੇਜ ਕੱਢ ਲਈ ਹੈ। ਪੁਲਿਸ ਮੁਤਾਬਕ ਦੋਸ਼ੀ ਔਰਤ ਅਤੇ ਉਸ ਦੇ ਸਾਥੀ ਨੂੰ ਜਲਦ ਹੀ ਗ੍ਰਿਫਤਾਰ ਕਰ ਲਿਆ ਜਾਵੇਗਾ।
The post ਲੁਧਿਆਣਾ ‘ਚ ਲਿਫਟ ਦੇਣਾ ਬਜ਼ੁਰਗ ਨੂੰ ਪਿਆ ਮਹਿੰਗਾ, ਫਿਲਮੀ ਸਟਾਈਲ ‘ਚ ਕਾਰ ਲੈ ਕੇ ਭੱਜੀ ਮਹਿਲਾ appeared first on Welcome Punjab News.
source https://welcomepunjab.in/ludhiana-ch-lift-dena-bzu/
